عمال شركة بتروجيت فى السعودية.

حدث مالا كنا نتمنى أن يحدث
(18) أصابة مؤكدة بفيروس كورونا لزملائنا بمعسكر التميمي وأللي يقول غير كدة كذاب
(38) حالة اشتباه فى أنتظار النتيجة وربنا يستر
(1400) فرد جارى وضعنا تحت الحجر الصحى
بسبب الفشل والعند والتخبط فى القرارات وعدم تحمل المسئولية وعدم توخي الحذر من البداية بالرغم من ضياع فرص الحماية والوقاية اللي كانت موجودة
لكن للأسف العواقب أصبحتت كارثية
يالناس أشتكت من كثرة التحرك بين المشروعات في جميع أنحاء المملكة مع وجود فيروس منتشر بسبب مديرين لا علم ولا دراية بالكارثة اللى ممكن تحصل واللى حابب حد يبعت يجيبه من موقع تاني واللي كاره حد يمشيه لمشروع تانى
 الناس اشتكت بسبب سوء الأدارة
 الناس أشتكت من سوء الأقامة
الناس اشتكت من سوء المعاملة
الناس اشتكت من مخالطة مباشرة لعاملين اجانب من جنسيات مختلفة
اكل مشترك وشغل مشترك وحتى الحمامات مشتركة
اقسم بالله ذنب الناس دى في رقبة كل مسئول أمام الله
يعنى لما ييجى مهندس اسمه محمد ممدوح فى عز غضب وتعب الناس ويقول خليهم يتحرقو بجاز وسخ يبقا عليه العوض فى القيادة
لما ييجى مهندس اسمه حسام كمال فى عز خنقة وقهرة الناس يقول خليهم يخبطو راسهم فى اتخن حيط يبقا ده الفشل بعينه
لما ييجى مهندس اسمه مسعد عشره يحط ويزيد على الناس ويقول هو ده اللى المتاح والموجود واللى مش عاجبه يروح يشتكى للوزير والخارجية يبقا عليه العوض في الشركة وفى الأنسانية
لما ييجى مهندس اسمه قدرى عثمان بعد ما شبع من الشركة وطلع معاش يتجامل ويتعمله عقد مستشار رئيس شركة بألااف يتحكم في خلق الله بدون اى انتاج وبدون فايدة ولا كان بيخرج من مكتبه أصلا ما الا أستنزاف لأموال الشركة وضغط أعصاب الناس بالتليفون وتعليمات صادمة وقرارات غير عادلة يبقا حسبنا الله ونعم الوكيل
يا رئيس الشركة ارحم أولادك أللى أتصابو بفيروس كورونا بسبب قيادات ليسوا على قدر المسئولية أهم حاجة الفلوس والعامل والموظف في ستين داهية
للأسف ضيعوا فرص النجاة والوقاية من البداية اخدو الموضوع بأستهتار و الأمر زاد سوء كل هم واحد فيهم الكرسي والبدل والضغط النفسيي والعصبي
يا وزير البترول ابناءك بشركة بتروجت هيموتوا بسبب مديرين متخبطين متعصبين ظالمين
يارب استرها علينا واشفى زمايلنا ورجعهم بألف سلامة
وحسبنا الله ونعم الوكيل.